२४ चैत, बुटवल । तिलोत्तमा नगरपालिका वडा नं. ८, चार नम्बरमा विशेषज्ञ सेवा सहितको नयाँ रा. जी.क्लिनिक खुलेको छ । सो क्लिनिकको लुम्बिनी प्रदेशका पूर्व स्वास्थ मन्त्री भोजप्रसाद श्रेष्ठले बुधबार उद्घाटन गरे । विशेषज्ञ डाक्टरहरूद्वारा सञ्चालित रा.जी. क्लिनिकले चैत २३ गतेदेखि नै आफ्ना सेवा दिन सुरु गरेको छ । समुद्घाटन कार्यक्रममा दुई सय ३ जना बिरामीले विशेषज्ञ डाक्टरबाट नि: शुल्क स्वास्थ्य परिक्षण गरेका छन । रा.जी. क्लिनिकले हरेक दिन विशेषज्ञ ओपिडी सेवा, ईसिजी सेवा, फार्मेसी, अत्याधुनिक ल्याब, भिडियो एक्स-रे सेवा, माइनर सर्जरी, दन्त चिकित्सकबाट दाँतको उपचार हुने व्यवस्थापक ई. राजिव श्रेष्ठले बताए । उनी हाल नेपा केयर फार्मास्युटिकल्स कम्पनीका सि.ई.ओ समेत हुन् । उनले जर्मनीबाट आफ्नाे उच्च शिक्षा हासिल गरि अब आफ्नै देशमा केही गर्नुपर्छ भन्ने अठाेटका साथ नेपाल फर्केका थिए ।
साथै संस्थाका अध्यक्ष डा. राजेश श्रेष्ठले क्लिनिकले मेडिकल अधिकृत डाक्टरद्वारा चौबीसै घण्टा इमर्जेन्सी सेवा प्रदान गर्ने कुरा बताए । विगतमा उनी लुम्बिनी मेडिकल कलेज पर्भासका कार्यरत थिए र हाल देवदह मेडिकल कलेजमा एसिस्टेन्ट प्राेफेसरका रूपमा कार्यरत छन् ।
