काठमाडाैं- कर्णाली स्वास्थ्य विज्ञान प्रतिष्ठानकाे रेक्टरमा डा निरेश थापा नियुक्त भएका छन्। प्रतिष्ठानका सहकुलपति समेत रहेका थापालाई स्वास्थ्य तथा जनसंख्यामन्त्री भानुभक्त ढकालले बिहीबार मन्त्रीस्तरीय निर्णय गर्दै डा थापालाई रेक्टरको जिम्मेवारी दिएको मन्त्रालय स्रोतले जानकारी दियो।
प्रतिष्ठानका उपकुलपति प्राडा राजेन्द्रराज वाग्लेले शिक्षाध्यक्ष पदको नियुक्तिका लागि डा निरेश थापा सहित तीन जनाको नाम सिफारिस गरेका थिए। डा थापा पहिलो नम्बरमा सिफारिसमा परेका थिए। दोस्रोमा प्राडा भरतमणि पोखरेल र तेस्रोमा प्राडा बद्री बडु सिफारिस भएका थिए।
रेक्टरमा नियुक्त भएका थापा विसं २०७१/०७२ सालदेखि प्रतिष्ठानमा कार्यरत छन्।
