बुटवल । रुपन्देहीमा विषालु च्याउ खाँदा दुई घरपरिवारका १६ जना बिरामी परेका छन् ।
जिल्लाको रोहिणी गाउँपालिका-१ चनुली र सम्मरीमाई गाउँपालिका(५ थुमुवा पिपरहवामा विषालु च्याउ खाँदा दुई परिवारका १६ जना बिरामी परेका हुन् । सबै बिरामीको भैरहवामा रहेको भीम अस्पतालमा उपचारत भइरहेको छ ।
रोहिणीको चनुलीमा नदी किनारमा उम्रिएको च्याउ खाएपछि लोहार परिवारका ७ जना र सम्मरीमाई गाउँपालिका(५ थुमुवा पिपरहवामा घर नजिकै उम्रिएको च्याउ खाएपछि हरिजन परिवारका ९ जना बिरामी परेको अस्पतालले जानकारी दिएको छ ।
उपचारत दुई परिवारका १६ जनाको स्वास्थ्य अवस्था सामान्य रहेको अस्पतालका चिकित्सक डा। त्रिलोचन पन्थीले जानकारी दिए ।
केही दिनअघि पनि रोहिणी गाउँपालिका(२ मा विषालु च्याउँ खादाँ ९ जना बिरामी परेका थिए ।
वर्षायाममा जंगलमा उम्रिने च्याउ नखान चिकित्सकहरुले आग्रहसमेत गरेका छन् ।
