शनिबार, बैशाख ८, २०८१ Saturday 20th of April 2024

लुम्बिनी स्कीन एण्ड लेजर सेन्टर संचालनमा

  • कृष्ण गाउँले
  • प्रकाशित मिति : सोमवार, अशोज १३, २०७६


लुम्बिनी स्कीन एण्ड लेजर सेन्टर संचालनमा

प्रदेश ५ को केन्द्रको रुपमा विकास भैरहेको बुटवलमा छाला तथा यौन, कुष्टरोग र सौन्दर्यसँग सम्बन्धित रोगहरुको उपचारका लागि झन्डै दुई करोड लगानीमा स्वास्थ्य सेन्टर संचालनमा आएको छ । एक करोड ९५ लाख ८० हजारको लगानीमा बुटवलमा लुम्बिनी स्कीन एण्ड लेजर सेन्टर संचालनमा आएको हो ।

माननीय भोजप्रसाद श्रेष्ठले

६ जना विषेशज्ञ सहितको सेन्टरमा छाला तथा यौन रोग, कुष्टरोग, नङ, कपाल आदिहरुमा देखिने रोगहरुको उपचार हुन्छ । त्यस्तै, सेन्टरमा लेजर प्रविधिद्वारा अनुहारको चाया, पोतो, चाउरीपना, शरीरको अनाबश्यक रौ, स्ट्रेच मार्क, पेटका सेता धर्सा, टाटु हटाउने योनी कसिलो बनाउने र सेतो दुबीको उपचारसमेत हुने अस्पतालका अध्यक्ष यम बहादुर थापा मगरले बताए ।

लुम्बिनी स्कीन एण्ड लेजर सेन्टरको आइतवारबाट बुटवलमा औपचारिक रुपमा सेवा प्रारम्भ समेत गरिएको छ । लेजर सेन्टरको सुभारम्भ गर्दै प्रदेश ५ का समाजिक विकास मन्त्री सुर्दशन बरालले निजी क्षेत्रसँग सहकार्य गरेरै स्वास्थ्य सेवाको पहुँच बृद्धि गर्ने बताए । उनले सौदर्य स्वास्थ्य पछिल्लो समयमा निकै महत्वपूर्ण बन्दै गएको चर्चा गर्दै छालाका रोग निवारणका लागि स्पेशल अस्पतालको अवस्यकता रहेको बताए । प्रदेश ५ का सांसद भोज प्रसाद श्रेष्ठले समायको माग अनुसार स्वास्थ्य क्षेत्र पनि केन्द्रिकृत हुनुपर्नेमा जोड दिए । उनले एउटा विधाको उपचारलाई प्रभावकारी रुपमा अघि बढाउनु पर्ने आवश्यकता समेत औँलाए । छाला तथा यौन रोगहरुले प्रभाब पार्ने शारीरिक, मानसिक र सामाजिक समस्याको निराकरण गर्ने गरी सस्था संचालनमा ल्याइएको सेन्टरका अध्यक्ष थापामगरले बताए ।

‘यस प्रदेशमा बिशेष गरी रुपन्देही, नवलपरासी र कपिलवस्तुमा देखिएका कुष्टरोगहरु न्यूनीकरण गर्नको लागि समय–समयमा निः शुल्क स्वास्थ्य शिविर राख्दै कुष्टरोगीहरुको पहिचान गरी समयमानै औषधि खुवाउने व्यवस्था मिलाई अपाङ्ग हुनबाट जोगाउने हाम्रो लक्ष्य छ,’ उनले भने‘यस सेन्टरलाई छाला सम्बन्धि उपचारको लागि रेफरल सेन्टरको रुपमा पनि विकास गर्ने छौं ।’ नयाँ प्रबिधि सेवाहरुको बारेमा ब्युटिसियन, पारामेडिक्स, नर्स, मेडिकल अफिसरहरुलाई तालिम दिने व्यवस्था मिलाई ट्रेनिङ्ग सेन्टरको रुपमा विकास गर्दै जाने लक्ष्य समेत रहेको सेन्टरका डा. विक्रम ज्ञवालीले बताए ।

गरिब र असहायको लागि निस्शुल्क उपचार गर्न अक्षय कोषको व्यवस्था गर्ने गरी समाजिक सेवा समेत लाग्ने उनले बताए । स्कीन सेन्टरमा छाला तथा यौन रोग, कुष्टरोग बिशेषज्ञ, कस्मेटोलोजी बिशेषज्ञस, लेजर सल्य चिकित्सक बिशेषज्ञस, प्लास्टिक सर्जरी बिशेषज्ञस, जनरल सर्जरी बिशेषज्ञसले सेवा दिने अध्यक्ष थापामगरले जनाकारी दिए ।

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra