बुटवल : देवदह मेडिकल कलेज परिसरमा सरसफाइ कार्यक्रम सम्पन्न भएको छ । कलेजका कम्पनी सचिव कृष्ण पराजुलीको नेतृत्वमा सरसफाइ कार्यक्रम सम्पन्न भएको हो ।
कार्यक्रम सम्बन्धि छोटो प्रतिकृया दिदै सचिव पराजुलीले मनोवैज्ञानिक रूपमा मैले गरेको फोहोरको व्यवस्थापन म आफै गर्नुपर्छ भन्ने धारणाको विकास सबैमा हुने हो भने कलेज मात्र होइन सम्पूर्ण देश सुन्दर हुनेकुरा बताउनु भयो । कार्यक्रममा एमबिबिएस संकाय प्रिन्सिपल प्रा. डा. पी. सि. महाजन, अस्पताल निर्देशक डा. बिक्रम ज्ञवाली, मुख्य प्रशासकीय अधिकृत माधव सापकोटा, नर्सिङ तथा एच.ए. संकाय प्रिन्सिपल सुनी राना लगायत सम्पूर्ण विभागका डाक्टरहरु, कलेजमा कार्यरत प्रध्यापकहरु, विभिन्न विभागका कर्मचारीहरू, कलेजमा अध्ययनरत विभिन्न संकायका विद्यार्थीहरू लगायतको सक्रियरुपमा सहभागी रहेको थियो ।
सरसफाइ कार्यक्रम बिहान दस बजे सुरु भई बाह्र बजे सकिएको थियो ।
