बिहिबार, जेष्ठ ३१, २०८१ Thursday 13th of June 2024

कोरोनाले बढायो कण्डमको माग, अर्को वर्ष जन्मदर उच्च हुने अनुमान

  • प्रकाशित मिति : मङ्लबार, चैत्र १८, २०७६


कोरोनाले बढायो कण्डमको माग, अर्को वर्ष जन्मदर उच्च हुने अनुमान

विश्वमा कोरोना भाइरसको महामारी चलिरहँदा यसले मानिसको यौन जीवनमा चाहिँ सकारात्मक प्रभाव पारेको छ । विश्वका झण्डै आधा जनसंख्या अहिले लकडाउनका कारण घरभित्रै बस्न बाध्य भइरहँदा दम्पतीहरूबीच यौनसम्बन्धमा वृद्धि भएको छ ।

अहिले बढिरहेको यौनसम्बन्धको नतिजा आगामी डिसेम्बरपछि देखा पर्नेछ । विज्ञहरूका अनुसार, आगामी डिसेम्बर देखि सन् २०२१ को सुरुवातसम्मको अवधिमा जन्मदर अघिल्ला वर्षहरूमा भन्दा उच्च हुनेछ ।

कोरोना भाइरसका संक्रमितको संख्या झण्डै साढे ८ हजार पुगिसकेको युरोपेली मुलुक अष्ट्रियामा पछिल्लो समयमा कण्डमको माग ह्वात्तै बढेको छ । सुपर मार्केट तथा औषधि पसलहरूमा पछिल्लो दुई हप्तामा कण्डमको मागमा ३० प्रतिशतले वृद्धि भएको बताइएको छ । कोरोना भाइरसका कारण झण्डै दुई हप्तादेखि अष्ट्रिया झण्डै लकडाउनको अवस्थामा छ र मानिसहरू घरभित्रै बसिरहेका छन् ।

अष्ट्रियन पत्रिका क्रोनेन चाइतुङका अनुसार, अहिलेको कोरोना संकटका बेला जुनस्तरमा कण्डमको उच्च माग भइरहेको छ त्यसले मानिसहरू बीचमा यौन सम्पर्कको दरमा वृद्धि भएको देखाउँदछ । अध्ययन अनुसार यौन सम्पर्कका बेला ४० प्रतिशतले मात्र कण्डमको प्रयोग गर्ने गर्दछन् । यसले अष्ट्रियामा कोरोना संक्रमणपछि यौन सम्पर्कको दरमा निकै उच्च वृद्धि भएको देखाउँदछ । यौन सम्पर्कको बढ्दो दरको परिणाम अहिलेको ९ महिनापछि देखापर्नेछ । विज्ञहरूले अष्ट्रियामा आगामी डिसेम्बर तथा जनवरीमा सामान्य अवस्थामा भन्दा ठूलो संख्यामा शिशु जन्मिने अनुमान गरेका छन् ।

पछिल्ला वर्षहरूमा अष्ट्रियामा शिशुको जन्मदर घटिरहेको छ । तर कोरोनाको महामारीले जन्मदरमा वृद्धि गर्ने र त्यस्तो वृद्धिदर २०२१ सम्मै कायम रहने विश्वास गरिएको छ ।
एजेन्सी

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra