काठमाडौं : झट्ट हेर्दा या सुन्दा माथि उल्लेखित शिर्षक कमजोर देखिन्छ तर विश्वव्यापी फैलिएको कोरोना भाइरसका कारण यस्ता समाचार महत्त्वपूर्ण लाग्छ । नेकपा अध्यक्ष पुष्पकमल दाहाल ‘प्रचण्ड’ अस्वस्थ भएका छन् । मौसमी रुघाखोकी लागेपछि उनी खुमलटारस्थित निवासमै आरामरत रहेको प्रचण्ड निकट स्रोतले जनाएको छ ।
स्रोतका अनुसार प्रचण्डले केही दिन भेटघाट र सार्वजनिक कार्यक्रममा सहभागीता नजनाउने भएका छन् ।
‘उहाँलाई सामान्य रुघाखोकी लागेको हो । तरपनि केही दिन भेटघाट र सार्वजनिक कार्यक्रममा सहभागी नहुने हुनुभएको छ’, खुमलटार स्रोतले भन्यो ।
आजै प्रचण्डले त्रिवि शिक्षण अस्पतालमा मिर्गौला प्रत्यारोपणको तयारीमा रहेका केपी शर्मा ओलीको स्वास्थ्य लाभको कामना गरेका थिए ।
नेकपाका दुई अध्यक्षमध्ये एक अध्यक्ष अस्पतालमा र अर्का अध्यक्ष प्रचण्ड पनि अस्वस्थ भएपछि केही दिन खुमलटारमै रहने भएका छन ।
