१५ असार, कञ्चन रूपन्देही । एक्सपट फाउन्डेसन काठमाडौंले कञ्चन गाउँपालीकालाई १० लिटर क्षमताको १ थान कन्सन्ट्रेटर हस्तान्तरण गरेको छ । पहिले कोभिड बढ्दै जाँदा जनताको स्वास्थ्य उपचार गर्नमा समस्या परेको स्मरण गर्दै कञ्चन गाउँपालीकाका प्रमुख गोकर्ण बहादुर क्षेत्रीले एक्सपर्ट फाउन्डेसन जस्ता सहयोगी संस्थाको पहल र सरकारको लगानीले स्वास्थ्य क्षेत्रमा पहिलेझै अप्ठ्यारो आगामी दिनमा नपर्ने विश्वास व्यक्त गरे ।
संस्थाका अध्यक्ष रोशन कंडेलले फाउन्डेसनले पहिले शैक्षिक संस्था भएपनि २०७२ सालको भुकम्प पश्चात् स्वास्थ्य सुरक्षाका सामाग्री हस्तान्तरण गर्दै आएको बताए । उनले लुम्बिनी प्रदेशका स्वास्थ्य तथा जनसंख्या मन्त्रीका स्वकीय सचिव माधव सापकोटाको पहलमा उक्त कन्सन्ट्रेटर हस्तान्तरण गरेको बताए । उनले आउँदा दिनमा पनि आवश्यक परे संस्थाले सहयोग गर्ने बताए ।
कञ्चन गाउँपालीका स्वास्थ्य शाखा प्रमुख रामप्रसाद गौतमले दातृ संस्थाहरुले सहयोग गरेका स्वास्थ्य सुरक्षाका सामाग्रीको सही सदुपयोग गर्ने बताए । सो हस्तान्तरण कार्यक्रममा कञ्चन गाउँपालिका उपप्रमुख गोमा तरामु, लुम्बिनी प्रदेशका स्वास्थ्य तथा जनसंख्या मन्त्रीका स्वकीय सचिव माधव सापकोटा, मेचीमहाकाली बुहारी संयुक्त आवाजकी लुम्बिनी प्रदेश संयोजक लता खड्का लगायतको उपस्थिति रहेको थियो ।
