२२ असार, बुटवल। गौतमबुद्ध फाउण्डेसन नेपाल बुटवलको आयोजनमा महामारी जन्य रोगथाम नियन्त्रण तथा निगरानीका लागि सरकोकारवालाहरुको भुमिका विषयक अन्तरक्रिया कार्यक्रम होटल मेरिगोल्ड बुटवलमा सम्पन्न भएको छ । कार्यक्रममा बोल्दै लुम्बिनी प्रदेश स्वास्थ्य तथा जनसंख्या मन्त्रालय अन्तरगत स्वास्थ्य निर्देशनालय प्रमुख डा. विनोद कुमार गिरीले स्वास्थ्य महमारी नियन्त्रणको लागि पुर्व तयारी सरकारले गरिरहेको भन्दै स्वाथ्य क्षेत्रमा सामाजिक रुपमा सचेतना आवश्यक भएको बताए । कार्यक्रममा बोल्दै उनले स्वास्थ्य महामारी नियन्त्रणको लागि सामाजिक दुरी, भौतिक दुरी कायम गर्नुको साथै स्वास्थ्यका मापदण्ड पालना गर्नुपर्ने कुरामा जोड दिए । कार्यक्रममा स्वास्थ्य तथा जनसंख्या मन्त्रालयका प्रवक्ता डा. पुष्पराज पौडेलले लुम्बिनी प्रदेश सरकारले कोभिड रोकथाम, नियन्त्रण र उपचारका सन्दर्भमा मन्त्रालयको नेतृत्वमा भएका गतिविधि सम्बन्धि प्रगति प्रतिवेदन पेश गरे । बरिष्ठ वालरोग विशेषज्ञ डा. किरण पन्थीले संभावित तेस्रो चरणको कोरोना भाईरसको भेरियन्ट, बच्ने उपाय, वालवालिकाहरुको सुरक्षाको लागि उपनाउनुपर्ने मापदण्ड लगायतको विषयमा कार्यपत्र प्रस्तुत गरेका गरेका थिए । कार्यक्रममा गौतमबुद्ध फाउण्डेसनका कार्यवाहक अध्यक्ष डा. रोहितराज क्षेत्री, फाउडेसनका सचिव उमाकान्त बस्याल लगायतले बोलेका थिए ।
