भैरहवा, साउन १० । सिद्धार्थनगर सिटि अस्पतालले पत्रकारहरुलाई उपचारमा सहुलियत दिने भएकाे छ । अस्पताल प्रशासन र लुम्बिनी प्रेस क्लबबिच आइतबार भएकाे एक सम्झाैता अनुसार उक्त अस्पतालमा उपचार गराउदा पत्रकारहरुलाई विभिन्न सेवामा निश्चित छुटकाे व्यवस्था गरिएकाे अस्पतालका प्रबन्ध निर्देशक अर्जुन पाैडेलले बताए ।
स्वास्थ चेकजाच र उपचारमा दिने सहुलियतकाेलागि लुम्बिनी प्रेस क्लबका अध्यक्ष नरेश के सी र अस्पतालका प्रबन्ध निर्देशक पाैडेलले हस्ताक्षर गरि सम्झाैता गरेका थिए । अस्पतालले क्लबमा आबद्ध पत्रकारहरुलाई ओपीडीमा ५०, ओपीडी फार्मेसीमा ५ र ओपीडी तथा आईपीडी इन्भेस्टिकेसनमा २५ प्रतिशत छुट दिने सम्झौता भएको अध्यक्ष केसीले बताए ।
यसैगरी एक्सरे, यूएसजीमा २५, सिटी स्क्यानमा १०, फिजियोथेरापीमा २५, शल्याक्रियामा ५–१०, बेड चार्जमा खानासहित २५ र क्याविन बेड चार्जमा १० प्रतिशत छुटको व्यवस्था गरिएको छ ।
भैरहवाकाे लुम्बिनी राेडमा रहेकाे उक्त अस्पताल केही महिना अगाडि सुविधासम्पन्न आधुनिक भवनबाट सेवा बिस्तार गरिरहेकाे छ । मृगाैला राेगकाे उपचारमा लुम्बिनी प्रदेशमै प्रभावकारि सेवा दिदै आएकाे उक्त अस्पतालमा यतिबेला हाडजाेर्नि र नशा राेगकाे पनि विशेष उपचार हुँदै आएकाे छ । स्वास्थ्य क्षेत्रका सबै उपचार सेवा सन्चालन गरेकाे उक्त अस्पतालले पत्रकारहरुलाई लक्षित गरिप्रदान गरेकाे सहुलियत प्याकेज महत्त्वपूर्ण रहेकाे प्रेस क्लबका महासचिव कमल रायमाझिले बताए ।
