२७ साउन, बुटवल । लुम्बिनी प्रदेशका मुख्यमन्त्री शंकर पोखरेल राजीनामा दिएका छन् । पोखरेलले राजीनामा दिएपछि स्वतह राजिनामा दिएका स्वास्थ्य तथा जनसंख्या मन्त्री भोजप्रसाद श्रेष्ठले आफूले प्रयोग गरेको सरकारी गाडी मन्त्रालयका सचिव डा बिकास देवकोटालाई बुझाई निजी गाडीमा घर फर्किएका छन । आज दिउँसो पोखरेलले राजीनामा दिएपछि श्रेष्ठले प्रयोग गर्दै आएको लु १ झ ५३७ नम्बरको गाडी मन्त्रालयलाई बुझाएर बा १६ च ९७११ नम्बरको निजी सवारीमा मन्त्रालयबाट बाहिरिएका हुन् ।
विदा हुनु पुर्व मन्त्रालयका सचिव, निर्देशकहरु तथा प्रशासनका कर्मचारीहरु संग बैठक बसि ९९ दिने कार्यकालमा सहयोग गरेकोमा धन्यवाद ज्ञापन गरेका थिए ।
