सोमवार, फाल्गुन २१, २०८० Monday 4th of March 2024

स्वास्थ्य क्षेत्रमा लुम्बिनी प्रदेशको बजेट

  • भेष बहादुर थापा
  • प्रकाशित मिति : बुधबार, अशोज २०, २०७८


स्वास्थ्य क्षेत्रमा लुम्बिनी प्रदेशको बजेट

 

२० असोज, बुटवल । लुम्बिनी प्रदेश सरकारका आर्थिक मामिला तथा सहकारी मन्त्री कृष्णध्वज खड्काले बुधबार प्रदेशसभामा आर्थिक वर्ष २०७८/७९ को प्रतिस्थापन विधेयकमार्फत ४० अर्ब ९५ करोड ९७ लाख रुपैयाँको बजेट पेश गरेका छन् । उनले स्वास्थ्य क्षेत्रमा यसअघिको सरकारले पेश गरेको कार्यक्रमको निरन्तर दिदै केही नयाँ कार्यक्रम थपिएका छन् ।

‘घर दैलोमा डाक्टर’

दुर्गम तथा पहुँचभन्दा टाढा रहेका स्थानहरूमा ‘घर दैलोमा डाक्टर’ कार्यक्रम सञ्चालन गर्न बजेट विनियोजन भएको छ । यो नयाँ कार्यक्रम हो ।

ज्येष्ठ नागरिकसँग स्वास्थ्यकर्मी

ज्येष्ठ नागरिकहरूलाई घर–घरमै स्वास्थ्य सेवा प्रदान गर्न स्थानीय सरकारसँगको सहकार्यमा ज्येष्ठ नागरिकसँग स्वास्थ्यकर्मी कार्यक्रम सञ्चालनको लागि वजेट विनियोजन भएको छ ।

नि:शुल्क रक्तसञ्चार सेवा

पूर्व स्वास्थ्य तथा जनसंख्या मन्त्री भोजप्रसाद श्रेष्ठको लोकप्रिय कार्यक्रम नि:शुल्क रक्तसञ्चार सेवालाई निरन्तर दिदै प्रदेशका सबै सरकारी स्वास्थ्य संस्थाहरूबाट नि:शुल्क रूपमा रक्त प्रदान गर्न रु. ५ करोड विनियोजन गरिएको छ ।

प्रादेशिक अस्पताललाई १० करोड – मुटु रोग विशेष

लुम्बिनी प्रादेशिक अस्पतालमा मुटुरोग सेवालाई प्रभावकारी गराउन क्याथ ल्याब निर्माण गर्न १० करोड रुपैयाँ विनियोजन गरिएको छ ।

एम.आर.आई. सेवा सञ्चालन गर्न १३ करोड

प्रदेशमा हालसम्म एम.आर.आई. सेवा सञ्चालन नहुँदा सबै विरामी अन्यत्र धाउनुपर्ने अवस्था मध्यनजर गरि मेशिन खरिद एवं सेवा विस्तारको लागि रू. १३ करोड बजेट विनियोजन गरिएको छ ।

पत्रकार दुर्घटना बिमा कार्यक्रम

पत्रकारहरूको समग्र सुरक्षालाई मध्यनजर गर्दै पत्रकार दुर्घटना बीमा कार्यक्रम कार्यान्वयनमा ल्याइने वजेटमा उल्लेख छ ।

ज्येष्ठ नागरिक अस्पताल र महिला तथा बाल अस्पताल स्थापना

प्रदेश भित्र उपयुक्त स्थानमा ज्येष्ठ नागरिक अस्पताल र महिला तथा बाल अस्पताल स्थापना गर्न सम्भाव्यता अध्ययनको लागि बजेट व्यवस्था गरिएको छ ।

प्रदेशवासीहरूलाई मृगौला प्रत्यारोपण, मुटुको भल्भ फेर्ने र क्यान्सर रोगको उपचारको लागि विपन्न नागरिक औषधि उपचार निर्देशिकाले व्यवस्था गरेको सुविधाको अतिरिक्त प्रदेश सरकारको तर्फबाट थप रू. २ लाख सम्म उपचार सहुलियतको लागि आवश्यक बजेट व्यवस्था गरेको छ ।

कोभिड १९ रोकथाम, नियन्त्रण, निदान तथा उपचारको लागि आवश्यक पर्ने औजार उपकरण, औषधी र अन्य आवश्यक स्वास्थ्य सामग्रीको खरिदको लागि प्रदेश कोभिड कोष मार्फत खर्च गर्ने गरी आवश्यक बजेटको व्यवस्था मिलाईको छ । १८ वर्ष मुनिका बालबालिकाहरुको लागि कोभिड – १९ विरूद्ध खोप खरिद तथा खोप अभियान सञ्चालनको लागि संघीय सरकारसँग समन्वय गर्दै यसका लागि आवश्यक बजेट विनियोजन गरिएको छ । प्रदेशका नागरिकहरूलाई कोभिड १९ को महामारीबाट सुरक्षित राख्ने योजना रहेको बताईएको छ।

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra