२६ पुस,बुटवल । आधुनिक समाज डेन्टल केयर प्रा लि बुटवल र आदिवासी जनजाति पत्रकार महासंघ लुम्विनी प्रदेशबिच दात मुख तथा गिजा रोगको उपचार सम्बन्धमा सम्झौता पत्रमा आइतबार हस्ताक्षर भएको छ । उक्त सम्झौतामा आदिवासी जनजाति पत्रकार महासङ्घका तर्फबाट लुम्बिनी प्रदेश अध्यक्ष मिलन गाहा र आधुनिक समाज डेण्टल केयर प्रा लिको तर्फबाट अध्यक्ष अमृत भुषालले हस्ताक्षर गरे ।
सम्झौता अनुसार आदीवासी जनजाति पत्रकार महासंघ लुम्बिनी प्रदेशका प्रतिनिधि एवं सो संग आवद्ध लुम्बिनी प्रदेशका १२ वटै जिल्लाका प्रतिनिधि एवं निजका परिवारका सदस्यहरुलाई दाँत, मुख तथा गिजा सम्बन्धमा आधारभूत उपचार गर्नु परेमा १० देखि ५० प्रतिशतसम्म छुट प्रदान गर्ने गरी दुईपक्षबीच सम्झौता भएको छ । कार्यक्रममा आदिवासी जनजाती पत्रकार महासघ संघीय लेखा संयोजक सुन्दर तरामु र मुख शल्यक्रिया सर्जन एसोसिएट प्रोफेसर डा रबिश मिश्र लगायतको उपस्थिति रहेको थियो ।
