९ फागुन, बुटवल ।साइन रेसुङ्गा विकास बैंक लिमिटेडको १४ औं वार्षिकोत्सवको अवसरमा बैंकको केन्द्रीय कार्यालय बुटवलमा निःशुल्क दन्त शिविर सम्पन्न भएको छ । आधुनिक समाज डेन्टल केयर प्रा लि बुटवलको प्राविधिक सहयोग र बैंकको आयोजनामा सोमबार शिविर सम्पन्न भएको हो ।
शिविरमा बैंकका पदाधिकारी तथा कर्मचारीहरु एवं बैंकका सेवाग्राहीलाई विशेषज्ञ चिकित्सक एवम् स्वास्थ्यकर्मीहरूले मुख स्वास्थ्य एवं दन्त परीक्षण गरेका छन् । १ सय ५३ जना सेवाग्राहीले सेवा लिएको शिविरमा दशवटा दाँतको सफाइ एवं स्क्यालिङ् र दुईवटा दाँत उखल्ने काम पनि भएको आधुनिक समाज डेन्टल केयर प्रा लि बुटवलका अध्यक्ष अमृत भुसालले बताए ।