बिहिबार, अशोज २०, २०७९ Thursday 6th of October 2022

मेडिटेकमा चलिरहेको छ, निःशुल्क फोन परामर्श सेवा

  • कृष्ण गाउँले
  • प्रकाशित मिति : आइतवार, असार २६, २०७९


मेडिटेकमा चलिरहेको छ, निःशुल्क फोन परामर्श सेवा

२६ असार, बुटवल ।
मेडिटेक इन्टरनेशनल हस्पिटल एण्ड रिसर्च सेन्टर बुटवलमा निःशुल्क फोन परामर्श सेवा सञ्चालन भैरहेको छ । अस्पतालको सामाजिक उत्तरदायित्व बहनका कार्यक्रमहरु मार्फत जनस्वास्थ्य तथा नागरिक स्वास्थ्यका विषयमा अस्पतालले बिरामी चिकित्सक सरल संवाद तथा परामर्शको व्यवस्था गरेको छ ।

हप्ताका सातै बार विशेषज्ञ डाक्टरसंग फोनमार्फत सम्पर्क गरेर बिरामीले आफ्ना समस्या बताउने र विशेषज्ञ डाक्टरले परामर्श दिने कार्यक्रम सञ्चालन भैरहेको अस्पताल निर्देशक गणेश ज्ञवालीले बताए । भौगोलिक रुपमा टाढा रहेका बिरामी जसलाई कुन समस्या आएमा कुन विशेषज्ञसंग परिक्षण र उपचार गर्दा ठिक हुन्छ, उपचार गर्न कहाँ जानुपर्छ थाहा छैन भने घरबाटै परामर्श सेवा लिन सकिने ज्ञवालीले बताए । अस्पतालमा उपचार गरेका तर बिचबिचमा विशेषज्ञ डाक्टरको सल्लाह आवश्यक पर्नेलाई पनि सहज होस भन्ने अपेक्षा रहेको उनले बताए ।
यस्तो छ फोन सेवाको तालिका

यसका साथै अस्पतालले ७० वर्ष पुगेका जेष्ठ नागरिक, विपन्न परिवार, पेशाकर्मीहरुको उपचारमा सहुलियत दिदै अस्पतालले निःशुल्क ओपिडी टिकट उपलब्ध गराउँदै उपचार सेवामा सहुलियत दिएको हो ।

बिगत १५ वर्षदेखि शिक्षा र स्वास्थ्य सेवा दिँदै आएको अस्पतालले अपांग, जेष्ठ नागरिक, पहिलो गर्भ परीक्षण, पाठेघरको मुखको क्यान्सरको परीक्षण, सुगरको निःशुल्क जाँच, मुत्र रोगका बिरामीलाई सुगर परीक्षण, पत्रकारहरुका लागि ओपिडी निःशुल्क सेवा दिइरहेको छ । अस्पतालले निकट समयमा १०० शैयाको अस्पताल बनाउने योजना बनाएको छ । बुटवलको अस्पताललाई आधुनिक व्यवस्थापन सहित मणिग्राममा स्थानान्तरण गर्ने अस्पतालको योजना छ ।

गरिबको स्वास्थ्य सेवा पाउने मौलिक हकलाई निजी संस्थाको तर्फबाट समेत योगदान गर्ने प्रतिबद्धतासहित सरकारी मापदण्डअनुसार आगामी आर्थिक वर्षलाई स्वास्थ्य सहकार्यको वर्षको रुपमा मनाउने योजना रहेको ज्ञवालीले बताए । अस्पताल सरकारको मापदण्डअनुसार २४ सै घण्टा उपचार सेवा प्रदान गर्ने गरी विस्तार भइरहेको निर्देशक ज्ञवालीले स्वास्थ्यपत्रलाई बताए ।

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra