बुटवल । लुम्बिनी प्रदेश सरकार स्वास्थ्य मन्त्रालय स्वास्थ्य निर्देशनालयको आयोजनामा आयुर्वेद स्वास्थ्यकर्मीहरुका लागि आयुर्वेद स्वास्थ्य तथा सुचना प्रणाली (AHMIS) तालिम होटल दरबारलन बुटवलमा सम्पन्न भएको छ । आयुर्वेद स्वास्थ्य कर्मीहरुलाई स्वास्थ्य तथ्यांक सुचना तथा प्रविधि मैत्री हिसाबले कसरी व्यवस्थित राख्ने सम्बन्धि तालिममा सहजीकरण गरिएको कार्यक्रम संयोजक वरिष्ठ कविराज निरिक्षक गणेश सापकोटा बताए । तालिमको सहजीकरण तथ्यांक अधिकृत मान बहादुर ओली, युनिसेफ प्रतिनिधि डा. वर्षा योगी लगायतले गरेका थिए ।
तालिमको अभिभाकिय भूमिकामा सहभागी लुम्बिनी प्रदेश सरकार स्वास्थ्य मन्त्रालय स्वास्थ्य निर्देशनालयका निर्देशक डा विनोद गिरीले स्वास्थ्य तथा सुचना प्रणाली सम्बन्धि सबै स्वास्थ्यकर्मी दक्ष हुनुपर्ने बताए । तीन दिन सम्म सञ्चालित तालिमको अन्तिम दिन सहभागी स्वास्थ्य मन्त्रालयको आयुर्वेद तथा बैकल्पिक महाशाखा प्रमुख डा. पुष्पराज पौडेलले स्वास्थ्य तथा सुचना प्रणाली सम्बन्धि स्वास्थ्यकर्मी दक्ष र सक्षम हुनुपर्ने बताए ।
