फागुन ११, बुटवल । लुम्बिनी प्रादेशिक अस्पतालको ११३ औं वार्षिकोत्सबको अवसरमा अस्पतालमा कार्यरत कर्मचारी बिच कविता प्रतियोगिता सम्पन्न भएको छ । “म र मेरो अस्पताल” शीर्षकमा बिहीबार सम्पन्न प्रतियोगितामा विजय आचार्य प्रथम भएका छन् भने सुनिता अर्याल द्वितीय भएकी छन् । आर्या भण्डारी र सरिता बस्यालले तृतीय स्थान हासिल गरेका छन् ।
प्रतियोगितामा प्रमुख निर्णायकको रुपमा उपस्थित डा. हिरण्यलाल ज्ञवालीले कवितामा स्वास्थ्यकर्मीको अन्तरहृदयको पीडा, बेदना तथा खुसी उद्घाटित भएको बताए । कवितामा भौतिक स्वरुपमा रहेको अस्पताललाई मानविकरण गरिएको ज्ञवालीले बताए । कविताका पंक्ति पंक्तिमा स्वास्थ्यकर्मी, बिरामी तथा अस्पताल संग सम्बन्धित समग्र अवस्थालाई जोडिएको बताए । प्रतियोगितामा अस्पतालका निमित्त मेडिकल सुपरिटेन्डेन्ट डा. ज्ञानहरी मरासिनीको अध्यक्षता रहेको थियो भने नर्सिङ प्रमुख ज्योति पौडेलको सञ्चालनमा सम्पन्न भएको थियो ।
प्रमुख निर्णायक डा. हिरण्यलाल ज्ञवाली
