फागुन १५, बुटवल । लुम्बिनी प्रदेश सरकारका पूर्व स्वास्थ्य मन्त्री भोजप्रसाद श्रेष्ठले अस्पतालले स्वास्थ्य संकटमा ठूलो योगदान दिएको बताउँदै दिन प्रतिदिन अस्पतको गुणस्तर बिस्तार हुँदै गएको बताए । पछिल्लो समयमा विरामीहरु बिमाबाट भएका हैरानी भएको गुनासो सुन्नमा आएको बताउँदै सो समस्या अन्त्य गर्नका लागि अस्पताल प्रशासन र सरकारले कदम चाल्नुपर्ने बताए । सोमबार लुम्बिनी प्रादेशिक अस्पतालको १ सय १३ औ बार्षिक उत्सवको अवसरमा बोल्दै श्रेष्ठले अस्पतालको सुदृढीकरणका निमित्त, भौतिक संगै गुणस्तर व्यवस्थापन गर्न आवश्यक भएको भन्दै अरवौंको भवन निर्माण गर्ने काममा अघिल्लो सरकार कुबाटोमा लागेकै कारण आधा सम्पन्न हुने समयमा अस्पताल निर्माण नै सुरुवात नभएको दाबि गरे । कुन चिजलाई प्राथमिकतामा राख्ने भन्ने विषयमा जवाफदेही हुनुपर्ने पक्ष जवाफदेही नहुँदाको परिणाम अस्पताल सहि रुपले अगाडि बढ्न नसक्ने बताए । उनले विभिन्न बाधा व्यवधानलाई चिर्दै अस्पतालको सुदृढीकरण गर्न लागिपर्ने प्रतिबद्ध रहेको लुम्बिनी प्रदेस सरकारका पुर्व मन्त्री तथा वर्तमान सांसाद श्रेष्ठको भनाई रहेको थियो ।
बुटवल उपमहानगरपालिका उपप्रमुख खेलराज पाण्डेले कोभिड कालमा अस्पतालले दिएको सुविधा प्रसंशायोग्य रहेको भन्दै एमडी कार्यक्रम सञ्चालन गर्ने योजना हो, भने स्थानीय सरकारको सहयोग रहने बताए । उनले बुटवलमा हुने विभिन्न सेवा प्रदायक संस्था संगै बुटवल उपमहानगरपालिका सहयोगी निकायको रुपमा रहेने बताउँदै यसमा सहकार्य गर्नका लागि आग्रह गरेका थिए ।
कार्यक्रममा अस्पतालमा निमित्त मेडिकल सुपरिटेन्डेन्ट डा. ज्ञानहरी मरासिनीले विरामीको चाँप अनुसार अस्पतालको भौतिक पुर्वाधार अभाव रहेको बताएका थिए । उनले निर्माण गर्ने भनिएको १० तले भवन छिटोभन्दा छिटो निर्माण प्रकृया अगाडि बढाउनको लागि प्रदेश सरकारसंग माग गरे । कार्यक्रममा पूर्व अध्यक्षहरुबाट बाबुराम भट्टराई, स्वास्थ्य निर्देशनालयका निर्देशक डा. बिनोद गिरी,पूर्व मेडिकल सुपरिटेन्टेन्टको तर्फबाट डा. राजेन्द्र खनाल, पत्रकार महासंघ लुम्बिनी प्रदेशका महासचिव बिक्रम खड्का, राजन के सी लगायतले आ -आफ्नो भनाई राखेका थिए । कार्यक्रममा सेवा निवृत्त कर्मचारी विश्वनाथ गौतम, कृष्णप्रसाद सापकोटा, युग कुमारी खनाल लाई सम्मान गरिएको थियो । साथै विभिन्न प्रतियोगितामा पुरस्कृत कर्मचारीलाई पुरस्कार वितरण गरिएको थियो ।
