बुटवल, ११ चैत।
नेपाल औंषधी ब्यवसायी संघ, लुम्बिनी प्रदेशको चौथो साधारणसभा तथा दोस्रो अधिवेशनबाट लुकराज न्यौपानेको अध्यक्षता १७ सदस्यीय कार्यसमिति सर्वसम्मत चयन भएको छ। आइतबार रूपन्देहीमा सम्पन्न अधिवेशनबाट संघको वरिष्ठ उपाध्यक्ष अभय कुमार बस्नेत, थोक उपाध्यक्ष सुदिप खड्का, खुद्रा उपाध्यक्ष राजेन्द्रप्रसाद श्रेष्ठ, महासचिव प्रकाश ज्ञवाली, कोषाध्यक्ष थानेश्वर ज्ञवाली, सचिव ईन्द्र प्रसाद भट्टराई (विष्णु), उपकोषाध्यक्ष थानेश्वर अर्याल तथा थोक सदस्यहरुमा मो. ज्याउल हक हल्वाई, विज्ञानध्वज श्रेष्ठ, खुद्रा सदस्यहरुमा बैकुण्ठ प्रसाद कोईराला, राकेशचन्द्र कुमाल, महिला सदस्य प्रभा भण्डारी, खुलासदस्यहरुमा धर्मराज भट्टराई, निम कुमार राउत, धन बहादुर केसी, कृष्ण प्रसाद पौडेल रहेको प्रमुख निर्वाचन अधिकृत दामोदर घिमिरेले बताए। यसैगरि संघको सदस्यमा जुवानन्द बेल्बासे मनोनित गरिएको नवनिर्वाचित अध्यक्ष लुकराज न्यौपानेले बताए। अध्यक्ष न्यौपानेले ब्यवसायीलाई संस्थागत रुपमा एकजुट गरि ब्यावसायीक हकहितको काम गर्ने प्रतिवद्घता व्यक्त गरे ।
