काठमाडौं : नेपालीहरुको रोजाईको रोजगारीको केन्द्र दक्षिण कोरियामा कोरोना भाइरसको संक्रमण बढेसँगै कोरियास्थित नेपाली दूतावासले नेपालीलाई सहज रहन अनुरोध गरेको छ ।
सन् २००८ देखि हालसम्म नेपालमा रोजगार अनुमति प्रणाली (इपिएस) मार्फत ६५ हजार ८ सय ४५ नेपाली कोरिया पुगेका छन्। भने अध्ययन र व्यवसाय गर्ने नेपाली पनि त्यहाँ बसोबार गरिहेका छन् । नेपालीलाई सजग रहन दूतावासले अनुरोध गरेको हो ।
पछिल्ला दिनहरुमा कोरियामा भाइरसबाट संक्रमित हुनेको संख्यामा तीव्र वृद्धि भएको छ। थेगु सहरमा सबैभन्दा बढी संक्रमित भएका छन्।
कोरोनाको संक्रमणबाट हालसम्म ४ जनाको मृत्यु भइसकेको कुरा समचार माध्यमहरुले बताएका छन् । एकै दिनमा संक्रमित हुनेको संख्या दोब्बर वृद्धि भएको छ । संक्रमित हुनेहरुको संख्या पाँच सय ५६ पुगेको दूतावासले जनाएको छ ।
कोरिया सरकारले अवैधानिक रुपमा बसोबास गरेकालाई कोराना भाइरसको शंका लागेमा स्वास्थ्य परीक्षणका गर्न पक्राउ नगर्ने र भिसा सकिएकालाई ५० दिनको अतिरिक्त भिसा थपिदिने भएको छ।
कोरियाली सरकार र सम्बद्ध स्वास्थ्य संस्थाबाट जारी भएका सुरक्षा उपायहरु अबलम्बन गर्न दूतावासले नेपालीहरुलाई आग्रह गरेको छ।
