बीरगञ्ज : पर्साको वीरगञ्जका शिवशंकर रूङ्गटालाई कोरोनाको संक्रमण पोजेटिभ देखिएको छ। पर्साका सहायक प्रमुख जिल्ला अधिकारी ललितकुमार बस्नेतले ४ दिन अघि पटना गएका रुङ्गटालाई कोरोना भाइरसको संक्रमण पोजेटिभ देखिएको जानकारी आएको बताए ।
बीरगञ्जका प्रतिष्ठित व्यापारी रूङ्गटामा कोरोना भाइरसको संक्रमणको पुष्टि भएको हो ।
उनलाई कोरोना भाइरसको संक्रमण भएको भारतस्थित पटना मेडिकल कलेजको पुष्टि गरेको हो ।
६ दिन अघि उनलाई वीरगञ्जको गण्डक अस्पतालले पटना रिफर गरेको थियो । संक्रमित उनले केही दिन अघि घरमा नै बोलाएर चिकित्सकलाई देखाए पछि उनलाई गण्डक अस्पताल लगिएको थियो ।
साथै पर्साका प्रमुख जिल्ला अधिकारी विष्णुकुमार कार्कीले पनि यो विषयको पुष्टि गर्दै परिवारजनलाई होम क्वारेन्टाइनमा राखिएको बताए ।
