बुटवल : चैत ११ गते मंगलबार बुटवलको धागो कारखानामा रहेको बुटवल कोरोना विशेष (अस्थायी ) अस्पतालमा प्रदेश नं ५ का उद्योग,पर्यटन,वन तथा वातावरण मन्त्री लिला गिरीको अध्यक्षतामा बसेको बैठकले बुटवल कोरोना विशेष (अस्थायी ) अस्पतालमा १० बेडको ICU बनाउने साथै स्तरीय अस्थायी ल्याब बनाउने निर्णय गरेको छ ।
अस्पतालमा हाल ३ जना बिरामी रहेका मध्ये १ जनामा कोरोना नेगेटिभ २ जनाको रिपोर्ट आउन बाकी रहेको बताइएको छ ।
उक्त तयारी समितिमा बुटवल उपमहानगरपालिका प्रमुख शिवराज सुवेदी, तिलोत्तमा नगरपालिका प्रमुख बासुदेव घिमिरे, प्रमुख जिल्ला अधिकारी महादेव पन्त, सामाजिक बिकास मन्त्रालयका स्वास्थ माहाशाखा प्रमुख, देवदह मेडिकल कलेजका प्रमुख र सदस्य सचीवमा लुम्बिनी प्रादेशिक अस्पताल मेडिकल सुपरिटेन्डेन्ट डा. राजेन्द्र खनाल साथै विशेष आमन्त्रित सदस्यहरुमा अर्थ, उद्योग, पर्यटन समिति सभापति दधिराम न्यौपाने, प्रदेश सभासद भोज प्रसाद श्रेष्ठ र लुम्बिनी प्रादेशिक अस्पताल ब्यवस्थापन समिति अध्यक्ष सुर्य बहादुर भट्टराई रहेको कुरा उद्योग, पर्यटन, वन तथा वातावरण मन्त्री लिला गिरीका सोकिय सचिव कृष्ण कुमालले स्वास्थपत्रलाई बताए ।
