बुटवल, ३० असार
फुलबारी गाईज बुटवलले सोमबार बुटवलमा नियमित कार्यक्रम अन्तरगत वृहत रक्तदान कार्यक्रम गरेको छ । रक्त संचार केन्द्र बुटवलमा रगत अभाव देखिएपछि सोमबार बुटवलमा रक्तदान कार्यक्रम गरिएको हो ।
कार्यक्रमको एक समारोहका बिच नेपाल रेडक्रस सोसाइटीका प्रदेश नं ५ का महासचिव कृष्ण पंगेनीले उद्घाटन गर्दै देशमा बाढिपहिरोको समस्या आईरहेको र रगतअभाव हुने समय भएकाले यस्तो समयमा रक्तदान कार्यक्रम प्रभावकारी हुने बताए । गाईजका अध्यक्ष शिव रानाले निस्वार्थ सेवा भावना गर्दै आएको बताए । कार्यक्रममा मायादेवि टेक्निकल सेन्टरका अध्यक्ष चिरन्जिवी जोशी, रुपन्देही फुटवल संघका केन्द्रीय सदस्य दीर्घ बहादुर केसी, संस्थापक तथा सल्लाहकार अध्यक्ष हसन्त लामा, मुक्तिराज पौडेल, सुजन पुन, महासचिव तेज बहादुर रानाले स्थानिय श्रोत साधनमा नै ठुला कार्यक्रम गरि सामाजिक गतिविधि गरेर नमुना काम भएको बताए ।
कार्यक्रमको संयोजक सुमित गुरुङले एक सय ४ युनिट रगत संकलन भएको बताए ।
