बुटवल : बुटवलमा रहेको नेशनल प्याथ ल्यावले उच्च क्षमताको कोरोना परिक्षण गर्ने रियल टाइम पीसीआर मेसिन ५ नं प्रदेश सरकारलाई हस्तान्तरण गरेको छ ।
यस अघि ५ नं. प्रदेशमा दैनिक १४/१५ वटाको नतिजा दिने गरेकोमा यो मेशिन थपिएसँगै दिनमै साढे दुई सयको परीक्षणको नतिजा आउने दाबी नेशनल प्याथ ल्यावका म्यानेजिङ डाइरेक्टर पवन जोशीले गरे । जोशीले यो मेसिनको प्रयोगले परीक्षणको नतिजाले तीव्रता पाउने विश्वास आफुहरुले लिएको बताए ।
प्रदेश ५ सरकारले रुपन्देहीको भैरहवाको गहुँबालीको कार्यालयमा सञ्चालन गरेको प्रादेशिक जनस्वास्थ्य प्रयोगशालामा प्रयोगमा आउने छ ।
१५ दिनका लागि उक्त मेसिन सहितका अन्य उपकरण समाजिक विकासमन्त्री सुर्दशन बराललाई हस्तान्तरण गरेको हो । समाग्री बुझ्दै मन्त्री बरालले विपत्तीका बेला सबैको सहयोग सरकारलाई आवश्यक रहेको र यो मेसिन तत्काल प्राविधिकहरुलाई उपलब्ध गराई सञ्चालनमा ल्याउने बताए ।
फोटो पवन जोशीको फेसबुकबाट