बुटवल : काठमाडौंदेखि पैदल यात्रा गरी बर्दिया जान आएका ७५ जना मजदूरलाई रूपन्देहीको सैनामैना नगरपालिकाले गाडीको व्यवस्था गरे पछि घरतर्फ लागेका छन ।
मजदुरहरु पाँच दिन लगाएर काठमाडौंबाट बुटवलसँग जोडिएको सैनामैना आइपुगेका हुन ।
शनिबार साँझ सैनामैनासम्म आइपुगेका उनीहरूलाई एक रात क्वारेन्टाइनमा राखेर घरसम्म पुर्याउने जिम्मा नगरप्रमुख चित्रबहादुर कार्की लिएका थिए ।
यसका साथै रूपन्देही आसपासका विभिन्न क्षेत्रमा निर्माण मजदुरका रूपमा काम गरिरहेका प्रदेश नं ५ लगायत कर्णाली र सुदुरपश्चिम प्रदेशमा स्थायी बसोबास भएका मजदुरहरूलाई पनि आइतबार यातायातको व्यवस्था मिलाई घर पठाइएको सैनामैना नगरपालिकाका नगरप्रमुख कार्कीले बताए ।
