काठमाडौं : मंगलबार उदयपुरका एक ३३ वर्षीय पुरुषमा कोरोना पुष्टि भएको छ । स्वास्थ्य तथा जनसंख्या मन्त्रालयका प्रवक्ता विकास देवकोटाका अनुसार मंगलबार राष्ट्रिय जनस्वास्थ्य प्रयोगशाला, टेकुमा भएको स्वाब परीक्षणमा उनको रिपोर्ट पोजिटिभ आएको हो ।
यसअघि उदयपुरमा १३ जनामा कोरोना पुष्टि भएको थियो । यो सँगै उदयपुरमा मात्र कोरोना पुष्टि हुनेको संख्या १४ पुगेको छ । उदयपुरका अन्य केहीमा पनि कोरोना आशंका गरिएको छ । उनीहरुको स्वाब परीक्षणका लागि धरानस्थित बीपी कोइराला स्वास्थ्य विज्ञान प्रतिष्ठान र विराटनगरस्थित कोसी अस्पतालमा पठाइएको छ ।
मंगलबार एक युवकमा संक्रमण देखिएसँगै नेपालमा कोरोना संक्रमितको संख्या ३२ पुगेको छ । चारजना भने निको भएर डिस्चार्ज भएका छन् । २८ जनाको विभिन्न अस्पतालमा उपचार भइराखेको छ ।
