बुटवल : भैंसी चराउन गएका परिवारका सदस्यले जंगलबाट ल्याएको च्याउ खाँदा रुपन्देहीमा विषालु च्याउ खाँदा एकै परिवारका ७ जना बिरामी भएका छन् ।
गैडहवा गाउँपालिका– ४ मिनमिनवाका ४५ वर्षीय बद्री हरिजन १८ वर्षीया लक्ष्मी हरिजन,१२ वर्षीया अनिशा हरिजन, १४ वर्षीया मनिषा हरिजन, १६ वर्षका रामानन्द हरिजन, ३५ वर्षीया सरस्वती हरिजन, र ७० वर्षीया कैलाशी हरिजन बिरामी परेका छन् ।
शुक्रबार राति च्याउ खाएका उनीहरुमा पेट दुख्ने र वान्ता हुने जस्ता समस्या देखिएपछि उनीहरु राति १२ बजे भीम अस्पताल भैरहवाको आकस्मिक कक्षमा भर्ना भएको अस्पतालका मेसु डाक्टर नवीन दर्नालले बताए ।
बिरामीको स्वास्थ्य अवस्था अहिले सामान्य बन्दै गएको उनले जानकारी दिए ।
