८ जेष्ठ बाँके । लुम्बिनी प्रदेशका स्वास्थ्य तथा जनसंख्या मन्त्री भोजप्रसाद श्रेष्ठले शनिबार बाँके जिल्लाका विभिन्न अस्पतालहरूको अनुगमन गरेका छन । लुम्बिनी प्रदेशका स्वास्थ्य तथा जनसंख्या मन्त्रालयका सचिव डा. बिकास देवकोटा, स्वकीय सचिव माधव सापकोटा, स्वास्थ्य मन्त्रालयका कर्मचारीसहित बाँके जिल्लाका अस्पताल अनुगमनमा निस्किएका श्रेष्ठले शनिबार नेपालगन्ज मेडिकल कलेज कोहलपुर, राप्ती अस्पताल नेपालगन्ज, कोहलपुर नगरपालिकाले निर्माण गरेको कोरोना विशेष आइसोलेसनको अनुगमन गर्दै आवश्यक निर्देशन तथा कोभिडको यो महामारीमा पहिलो पंक्तिमा रहेर सेवा गर्ने चिकित्सक तथा स्वास्थ्यकर्मीलाई धन्यवाद ज्ञापन गरे । साथै लुम्बिनी प्रदेश स्वास्थ्य तथा जनसंख्या मन्त्रालयले गरिरहेका गतिविधि र सरकारका भावि योजनाहरुको बारेमा मन्त्रालयका सचिव डा. बिकास देवकोटाले जानकारी दिए ।
अनुगमनका क्रममा मन्त्री श्रेष्ठले सम्बन्धिथ अस्पताल व्यवस्थापन समिति (सञ्चालक समिति), राजनीतिक दलका अगुवा, तथा अस्पतालमा कार्यरत चिकित्सक/स्वास्थ्यकर्मीहरूसंग बैठक बसि कोभिड – १९ को उपचार कसरी भैरहेको छ ? अस्पतालको अहिलेको अवस्था के छ ? अस्पतालमा कोभिड नियन्त्रण सम्बन्धि के के गतिविधिहरु भएका छन ? अस्पतालको व्यवस्थापकीय पाटो कस्तो छ ? चिकित्सक, स्वास्थ्यकर्मीका साथै अस्पतालका समस्याहरु के के छन ? ती समस्या समाधान गर्न के के गर्नुपर्ने हो ? सम्बन्धित अस्पतालले सरकारबाट के कस्ता अपेक्षा गरेका छन ? सरकारलाई सल्लाह सुझाव के के छन ? लगायतका विषयमा बैठकहरू सम्पन्न भएका छन ।
बैठकका क्रममा मन्त्री श्रेष्ठले भने ‘कोरोना महामारी नियन्त्रणमा चिकित्सक तथा स्वास्थ्यकर्मी मात्रै खट्ने र हामी समाजका अन्य अगुवाहरू बाहिरबसेर उनिहरूको आत्मबल गिराउने काम नगरौं, हामीलेले पनि प्रत्यक्ष रुपमा केही योगदान पुर्याउँ।’ चिकित्सक तथा स्वास्थ्यकर्मीको स्वास्थ्य संगै आर्थिक, भौतिक र सामाजिक सुरक्षा दिएर उनीहरुको मनोबल उच्च बनाउनमा सबैको ध्यान जानु पर्ने बताए । उनले थपे, ‘अहिले चिकित्सकहरुले कोभिड संक्रमण भए मात्र विदा पाउने अवस्था छ । यसरी खटिएका स्वास्थ्यकर्मीहरुलाई हामीले सम्मान गरेर उनीहरुको हौसला बढाउन सके थोरै चिकित्सकहरुले पनि धेरै सेवा दिन सक्छन् । यसमा जनप्रतिनीधि संगै सामाजिक व्यक्तित्वहरुको विशेष भुमिका हुन्छ ।’
उनले स्वस्थ्यकर्मीहरुलाई उपचारमा केन्द्रित हुन आग्रह गर्दै आवश्यक सिलिण्डर, औषधी तथा अन्य आवश्यक सामग्रीको आपूर्तिमा व्यवस्थापनमा अस्पताल विकास समिति, जनप्रतिनिधि र संघ संस्थाहरुले जिम्मा लिएमा थप सहज हुने बताए । त्यसको लागि थप सहयोग गर्न अस्पतालमा सर्वपक्षीय सहभागीता रहेको कोरोना नियन्त्रण संयन्त्र बनाउन र जहाँ हरेक व्यक्तिले योग्यता अनुसारको जिम्मेवारी बहन गर्ने गर्दा सजिलो पर्ने बताए । कोभिडका विरामीको उपचारमा खटिएका स्वास्थ्यकर्मीहरुको सम्मान सहित उनीहरुलाई गौरवको अनुभुति दिलाउने कार्य सामाजिक क्षेत्रका व्यक्तित्वहरुले गर्नु पर्ने बताए ।
भेरी अस्पतालका मेडिकल सुपरिटेन्डेन्ट डा. प्रकाश बहादुर थापाले विशेषगरी कोरोना नियन्त्रणमा अस्पतालले विगत र वर्तमानमा प्रदान गरेका स्वास्थ्य उपचार सेवाको बारेमा जानकारी दिए । अस्पतालमा कार्यरत पहिलो पंक्तिका स्वास्थ्यकर्मी तथा चिकित्सकले यो संकटपुर्ण समयमा पनि तलबको अलावा इन्सेन्टिभ नपाएको, पाएपनि न्यायोचित बितरण नभएको अस्पतालकि नर्सिङ प्रशिक्षक प्रमुख दुर्गा लक्ष्मी श्रेष्ठले गुनासो गरिन ।
यसैबीच नेपालगन्ज मेडिकल कलेजका निर्देशक डा. नितेश कुमार कनोडियाले विशेषगरी कलेजले विगत र वर्तमानमा प्रदान गरेका कोरोना विशेष स्वास्थ्य उपचार सेवाको बारेमा बताउँदै कोरोना नियन्त्रणमा अस्पतालले चालेका गतिविधिको बारेमा जानकारी दिए । मेडिकलकलेजमा पनि अस्पतालमा कार्यरत पहिलो पंक्तिका स्वास्थ्यकर्मी तथा चिकित्सकले यो संकटपुर्ण समयमा पनि तलबको अलावा इन्सेन्टिभ नपाएको स्वास्थ्यकर्मी तथा चिकित्सकहरूले बताए ।
नेपालगन्ज मेडिकल कलेजमा
तीन दिने अनुगमनमा निस्किएका श्रेष्ठले भोलि बर्दियाका अस्पतालहरु साथै पर्सि दाङ र कपिलवस्तु जिल्लाका अस्पताल अनुगमन तथा छलफल गर्दैछन् ।
