१५ जेष्ठ, बुटवल । नेपाल नियमित रक्तदाता संघ रुपन्देहीले गणतन्त्र दिवसको अवसरमा १०७ युनिट रगत संकलन गरेको छ । संघले कोभिड -१९ को महामारी र निरन्तर झरिको बाबजुद यति ठुलो मात्रामा रगत संकलन गरेको हो । संघले रगत अभावका कारण कसैको ज्यान नजाओस भनेर नियमित तथा आकस्मिक रक्तदान गरिरहेको छ ।
नेपाल नियमित रक्तदाता संघ केन्द्रिय कमिटीका अध्यक्ष दया बहादुर सिलवालको अध्यक्षता, नेपाल औषधि व्यवसाय संघ लुम्बिनी प्रदेशका अध्यक्ष शिव ज्ञवालीको प्रमुख आतिथ्यता,कानुन विज्ञ तथा नेपाल नियमित रक्तदाता संघका कानुनी सल्लाहकार दामोदर घिमिरेको विशिष्ट उपस्थितिमा, नेपाल नियमित रक्तदाता संघका सल्लाहकार सुरेन्द्र कुमार शाक्यको आतिथ्यतामा, लाइम & लेमोन का प्रोप्राइटर सागर पौडेल कोषाध्यक्ष दिपक अधिकारी, राजेस गैरे लागायतको उपस्थितिमा कार्यक्रम सम्पन्न भएको हो । कार्यक्रममा संस्थाका उपाध्यक्ष लेखनाथ भण्डारीको स्वागत , सदस्य असेस सिलवालको संयोजकत्व तथा संस्थाका सचीव महेश खनालले कार्यक्रम संचालन गरेका थिए । सोही अवसरमा रोट्र्याक क्लब अफ साउथका सदस्य स्वर्गीय मनोज सुवेदीको १३ औं पुन्य तिथिमा नेपाल नियमित रक्तदाता संघसंग सहकार्य गरेको युवराज बन्जाडेले बताए ।
नेपाल नियमित रक्तदाता संघ रगत व्यवस्थापन र उप्रेणा गर्दै वि स २०६१ सालमा स्थापना भएको हो । स्वर्गीय सरोज सिलवालको अध्यक्षतामा स्थापना भएको सस्थाले आज सम्म आइपुग्दा धेरैको ज्यान बचाएको छ।
