वैशाख । दाङ । राजपुर गाउँपालिका दाङको आयोजना तथा आधनिक समाज डेण्टल केयर बुटवल र लमही आँखा अस्पता को प्राविधिक सहयोगमा ३२ वटा सामुदायिक विद्यालयमा विद्यालय स्तरीय मुख तथा आँखा स्वास्थ्य शिक्षा तथा जाँच कार्यक्रम राजपुर १ मा पर्ने ज्योती आधारभूत विद्यालयवाट अभियान सुरु भएको छ ।
उद्घाटन समारोहमा बोल्दै गाउँपालिका अध्यक्ष सरद बुढाथोकीले प्रदेश राजधानीको जिल्लामा रहेको विकट पालिका लाई निकट भविष्यमै राम्रो र समृद्ध बनाउने योजनाका साथ आफूले कार्य गरेको र प्रथमत नागरिक लाई स्वास्थ्य बनाउनको लागि मुख स्वास्थय र आखाँ जस्तो संवेदनशील विषयमा विद्यालयका विद्यार्थी मार्फत समुदाय र अभिभावकमा स्वास्थ्य सचेतना बृद्धि गर्ने , समस्या पहिचान गर्ने अभियानको शुभारम्भ गरेको बताए । गाउँपालीका उपाध्यक्ष धनपती यादवले विशेषज्ञ स्वास्थ्य सेवाको पहुचमा भौगोलिक विकटताले जटिलता दिए पनि सेवा र परामर्श दिन जनतामा मुख स्वास्थ्य र आखा स्वास्थको स्थितीमा सुधार गर्न कार्यक्रम सुरु गरिएको बताइन् ।
स्वस्थ मुख अभियानका अभियानता तथा डेन्टलका अध्यक्ष अमृत भुषालले मुख स्वस्थ्य विषय सुन्दा सामान्य लागेपनि गम्भीर भएको बताउँदै यसबारे सचेतना जगाउने उद्देश्यकासाथ कार्यक्रम गरिएको बताए । नेपालमा ९४ प्रतिशतभन्दा बढी मान्छेमा दात र मुखको रोग सम्बन्धि समस्या भएको बताउँदै रोग लागिसकेपछि उपचार भन्दा पनि रोकथामलाई प्राथमिकता दिने अभियान रहेको भुसालले बताए ।
दन्त विशेषज्ञ डा. रविश मिश्र नेतृत्वमा दन्त सेवा र नेत्र सहायक गरी १० जनाको समूहले विद्याथी र अभिभावकगरि १८३ जनालाई सेवा प्रदान गरेका छन । कार्यक्रम स्थलमा औषधी र चस्मा समेत वितरण गरिएको थियो ।
