बुटवल । कानुङ बचत तथा ऋण सहकारी संस्था लिमिटेडले आफ्नाे १५ ओै स्थापना दिवसको अवसरमा स्वास्थ्य शिवि सम्पन्न भएको छ । सिद्वार्थ डेन्टल क्लिनिककाे सहयाेगमा नि:शुल्क दन्त तथा मुख स्वास्थ सेवा तथा सल्लाह दिइएको थियो । जहाँ ७१ जना शेयर सदस्यहरुले सेवा लिएकाे संस्थाका सचिव बेनप्रसाद थापाले बताए । साथै एसियन डायाेग्निष्टक प्रालिले ८० जना सदस्यहरुकाे पूर्ण शरीरकाे परीक्षण सोमबार सम्पन्न गरिएको छ ।
कार्यक्रमका मुख्य अतिथि संस्थाका ज्येष्ठ एवम् सम्मानित सदस्य केशरबहादुर श्रीसले जिन्दगीमा केही गर्न स्वस्थ जीवन अनिवार्य रहेकाे बताउँदै आफ्नाे नियमित स्वास्थ्य परिक्षण गर्नुपर्ने बताए । उक्त कार्यक्रमका संस्थापक अध्यक्ष ईन्जिनियर हीराबहादुर भलामीमगरले वर्तमान समयमा विभिन रोगको फौलावट तिब्र हुन सक्ने कुरालाई दृष्टिगत गर्दै स्वास्थ्य शिबिर राखेकोमा धन्यवाद ज्ञापन गरे ।
सहकारीले बुटवल -१५, उजेलापुरमा रहेकाे लुम्बिनी अपाङ्ग अनाथालयलाई १२ हजार बराबरकाे बुककेस दिने भएकाे संस्थाका अध्यक्ष टाेपबहादुर थापाले जानकारी दिए । स्थापना दिवसकाे अवसरमा खुसियाली मनाउँदै शेयर सदस्यका सन्तानहरुले उत्कृष्ट नृत्य प्रस्तुत गरेका थिए । साेही अवसरमा दुर्गाबहादुर श्रीस र चन्द्रकला काउचालाई ज्येष्ठ सदस्यका रुपमा दाेसल्ला ओढाई नगद रकमले सम्मान गरिएकाे थियाे ।
