काठमाडौं- प्रधानमन्त्री केपी शर्मा ओली स्वास्थ्य परीक्षणका लागि सिंगापुर आज राति ९ः४५ बजे सिल्क एयरबाट जाने भएका छन् ।
सिंगापुरको ‘नेसनल युनिभर्सिटी हस्पिटल’ (एनयूएच) मा प्रधानमन्त्री ओलीको स्वास्थ्य परीक्षण हुने कुरा बताइएको छ ।
प्रधानमन्त्रीका निजी चिकित्सक प्रा.डा.दिव्यासिंह शाह पनि उनीसँगै सिंगापुर जानेछिन् । स्वास्थ्यमा केही समस्या देखिएपछि प्रधानमन्त्री ओली अचेल कार्यक्रमहरूमा उपस्थिति कम गराएका थिए ।
स्वास्थ्य परीक्षणका लागि गएका प्रधानमन्त्रीको एक हप्ता सिङ्गनपुर बसाइ हुनेछ । प्रधानमन्त्री १२ वर्ष अघि दिल्लीस्थित अपोलो अस्पतालमा मिर्गौला प्रत्यारोपण गरिएको थियो । प्रधानमन्त्रीले दिल्ली र थाइल्याण्डमा नियमित फ्लो अप गर्दै आएका छन् । प्रधानमन्त्री स्वास्थ्य उपचारको लागि जान लागेका भएपनि आराम गर्न भन्दै जान लागेको भन्ने हल्ला सामाजिक सञ्जालमा फैलिएको छ ।
