हरिया तरकारीमा विषादी भेटिएको चर्चा चलिरहेका सन्धर्वमा भारतबाट भित्रिएको प्याजमा पनि विषादी भेटिएको छ । प्रदेश न २ सरकारले स्थापना गरेको प्रयोगशालामा परीक्षण गर्दा भारबाट भित्रिएको प्याजमा पनि विषादी भेटिएको बताइएको छ । परिक्षणमा भारतबाट आयातित आलुमा विषादीको मात्रा उच्च भएको फेला परेको छ ।
बाली संरक्षण प्रयोगशालामा सुनसरीको भान्टाबारी हुँदै नेपाल भित्रिएका आलु र प्याज परीक्षणका लागि आउँछन् । ती तरकारी परीक्षण गर्दा विषादीको मात्रा उच्च देखिएको हो ।
भारतबाट आयातित आलुमा ३० ‘इनिविसन’ विषादी मापन गरिएको छ । ३५ इनिबिसन भन्दामाथि विषादी मापन गरिएको तरकारी प्रयोग गर्न अयोग्य मानिन्छ ।
नेपालमा बिक्रीका लागि भारतबाट भित्रिएका आलु प्रयोग गर्न मिल्ने भएपनि विषादीको मात्रा नेपालमा उत्पादन भएका तरकारी भन्दाबढी मात्रामा भेटिएको प्रयोगशालाकि प्राबिधिक सीता बरालले जानकारी दिइन् ।
त्यसै गरि प्याजमा पनि १० इनिबिसनसम्म अर्गानो सल्फेटको मात्र भेटिएको छ । स्थानीय उत्पादनमा भने अधिकतम २५ इनिबिसनसम्म विषादीको मात्रा भेटिएको छ ।
एक महिना अघि स्थापना भएको ल्याबमा स्थानीय बजारबाट संकलन गरेर तरकारीको नमूना परीक्षण गरिएको थियो । परीक्षण गर्दा कुनै तरकारी उपभोगका लागि अयोग्य भने भेटिएको थिएन् ।
तरकारीमा विषादी प्रयोग भए पनि तरकारी भारतबाट आयात हुन छोडेको छैन तर ब्यापारीले भारत बाट तरकारी नआएको र नेपाली उत्पादनले थाम्न नसक्ने भनी तरकारीको भाउ अत्याधिक बढाएका छन ।
