आइतवार, बैशाख ९, २०८१ Sunday 21st of April 2024

डेंगुले मन्त्रीलाई पनि छोडेन मन्त्री खनाल संक्रमित

  • स्वास्थ्य पत्र संवाददाता
  • प्रकाशित मिति : बिहिबार, भदौ १९, २०७६


डेंगुले मन्त्रीलाई पनि छोडेन मन्त्री खनाल संक्रमित

काठमाडौं – देशभर डेंगुको संक्रमण बढिरहेका बेला कृषिमन्त्री चक्रपाणि खनाललाई समेत संक्रमण देखिएको छ । रगत जाँचका क्रममा संक्रमण पुष्टि भएपछि खनाललाई बुधबार ग्रान्डी अस्पताल भर्ना गरिएको उनका प्रेस संयोज बोमलाल गिरीले जानकारी दिए ।

गत शुक्रबार हेटौंडाबाट फर्किएपछि खनालमा रुघाखोकी लाग्ने र ज्वरो आउने समस्या देखिएपछि टेकुस्थित शुक्रराज ट्रपिकल तथा सरुवा रोग अस्पतालमा रगत परीक्षण गरिएको थियो । उनको अवस्था सामान्य रहेको चिकित्सकलाई उद्धृत गर्दै उनको सचिवालयले जनाएको छ ।

पछिल्लो समय देशका विभिन्न भागमा डेंगु संक्रमण फैलिरहेको छ । साउनयता राजधानीमै सयौं जनामा यो रोग देखिएको छ । शुक्रराज ट्रपिकल अस्पतालका निर्देशक शेरबहादुर पुनका अनुसार यो एडिस एजिप्टाई जातको लामखुट्टेको टोकाइबाट सर्ने रोग हो । यस्तो लामखुट्टेको टोकाइबाट बच्नु नै रोकथामको प्राथमिक उपाय हो ।

पुनले केही दिनअघि डेंगु नियन्त्रण गर्न नागरिकमा सचेतना आवश्यक रहेको औंल्याएका थिए । यो रोग फैलाउने लामखुट्टे सफा पानीमा बस्ने र दिउँसोको समयमा मानिसलाई टोक्छ । त्यसैले घरभित्रको पानी पनि ढाकेर राख्न उनले सुझाएका छन् ।

‘डेंगु लामखुट्टेको जीवनचक्र चलाउन प्लास्टिकका टुटेफुटेका भाँडाकुँडा, पेयपदार्थका क्यानदेखि छतमा जमेको पानी नै काफी हुन्छ,’ पुनले भने, ‘सफापानीमा हुर्किने आनीबानीकै कारण यो लामखुट्टे काठमाडौंमा फैलिएको हो ।’ ललितपुर महानगरले संक्रमण बढेसँगै घरघरमा स्वयंसेवक परिचालन गरेर सचेतना अभियान सुरु गरेको छ । महानगरले माइकिङ र घरदैलो अभियान चलाएको छ ।

यो पनि पढ्नुहोस

https://pahilo.tinaunews.com/news/564/

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra