शुक्रबार, बैशाख ७, २०८१ Friday 19th of April 2024

कलेजमा आन्दोलनरत विद्यार्थीमाथि कुटपीट

  • स्वास्थ्य पत्र सम्बाददाता
  • प्रकाशित मिति : शुक्रबार, मंसिर ६, २०७६


कलेजमा आन्दोलनरत विद्यार्थीमाथि कुटपीट

वीरगञ्ज । नेशनल मेडिकल कलेज, वीरगञ्जमा आन्दोलनरत एमबीबीएस अध्ययनरत विद्यार्थीमाथि शुक्रबार कुटपीट भएको छ । कलेजले लिएको अतिरिक्त शुल्क फिर्ताको माग राखेर आन्दोलनरत विद्यार्थी होस्टल फर्किने क्रममा गेटमै कुटिएका हुन् ।

स्थिति तनावपूर्ण बनेपछि प्रहरीले छुट्याएको थियो ।

शुल्क फिर्ता गर्न सरकारले दिएको १५ दिनको समय सकिन ३ दिन बाँकी हुँदा आन्दोलनरत विद्यार्थीले शुक्रबार पनि कलेज अगाडि धर्नामा बसेका थिए । दिउँसो २ बजेदेखि ५ बजेसम्म धर्नामा बसेका उनीहरु धर्ना सकेर होस्टल जाने क्रममा कुटपीट भएको पीडित विद्यार्थीले बताएका छन् ।

आन्दोलनरत विद्यार्थीहरुका अनुसार धर्ना सकेर होस्टल फर्कने क्रममा २ नम्बर गेटमा कुरेर बसेका सिनियर विद्यार्थीहरुले हातपात गरेका हुन् ।

‘२ नम्बर गेटबाट भित्र पस्न खोज्दै थियौं, अगाडि केटी साथीहरु थिए, केटीहरुमाथि समेत हातपात भएको छ’ आन्दोलनरत एक विद्यार्थीले भने ‘प्रहरी अगाडि नै भए पनि हातपात भइसकेपछि मात्रै छुट्याउन आए ।’ घटनापछि आन्दोलनरत विद्यार्थीले सिनियर विद्यार्थीविरुद्ध समेत नाराबाजी गरेका थिए ।

कलेज व्यवस्थापन पक्षले भारतीय र नातागोतामा पर्ने सिनियर विद्यार्थीलाई उचालेर आफूहरु माथि आक्रमण गराएको आरोप उनीहरुको छ । उनीहरुले हातपात गर्ने सिनियर विद्यार्र्थी कारबाही नगरेसम्म बाहिरै बस्ने चेतावनी दिएका छन् ।

जिल्ला प्रहरी कार्यालय पर्साका प्रवक्ता डीएसी वीरेन्द्र शाहीले भने विद्यार्थीहरुबीच विवाद मात्रै भएको बताएका छन् । ‘दिउँसो केही विद्यार्थी धर्नामा बसेका थिए, उनीहरु धर्नाबाट गइसकेपछि अन्य विद्यार्थीहरुसँग विवाद भएको हो । त्यसपछि केही विद्यार्थीहरुले नाराबाजी गरिरहेको खबर आएको छ’ उनले भने ।

झगडा र अप्रिय घटना हुन नदिन आफूहरु गम्भीर रहेको डीएसपी शाहीले बताए ।

प्रतिक्रिया दिनुहोस्

सम्बन्धित समाचार


हाम्रो बारेमा

बुटवल मिडिया एण्ड क्रियसन प्रा.लि.द्वारा सञ्चालित
– स्वास्थ्य पत्र मासिक
(रूपन्देही जिल्ला प्रशासन कार्यालय दर्ता नं. १७६/०७५/०७६ )
– स्वास्थ्य पत्र डट कम
(सूचना तथा प्रसारण विभाग दर्ता नं. – १७३४/०७६-०७७)

हाम्रो टिम

स्वास्थ्य पत्र डटकमका लागि
अध्यक्ष : याम बहादुर थापा
प्रकाशक तथा सम्पादक  : कृष्ण गाउँले ( कृष्ण प्रसाद घिमिरे )
संवाददाता : भेष बहादुर थापा
ग्राफिक्स डिजाइन : जिवन थापा क्षेत्री

सम्पर्क


फोनः ९८५७०३७१७०
ईमेल: swasthapatranews@gmail.com

    Subscribe

© copyright 2016-2021 and all right reserved to Swasthaya Patra