काठमाडौं । नेशनल मेडिकल कलेजका विद्यार्थीले गरेको शान्तिपूर्ण आन्दोलनका क्रममा कलेज प्रशासनले गुन्डा प्रयोग गरेको भन्दै अनेरास्ववियूले ध्यानाकर्षण भएको जनाएको छ ।
विद्यार्थीको शान्तिपूर्ण आन्दोलनमा कलेज प्रशासनले बाहिरी गुन्डा प्रयोग गरी बिद्यार्थीलाई भौतिक र मानसिक यातना दिने काम तत्काल रोक्न अनेरास्ववियूले माग गरेको छ ।
विद्यार्थीमाथि भौतिक ताथ मानसिक यातना दिनु अपराध भएको भन्दै अनेरास्ववियूले घटनाको दोषीलाई कानुनको दायरामा ल्याइ तत्काल कारबाही गर्न माग गरेको छ ।
राज्यले तोकेको शिक्षण शुल्क लागू गर्नुपर्ने, विद्यार्थीमाथिको दमन रोक्नुपर्ने, अतिरिक्त शुल्क फिर्ता गर्नुपर्ने लगायतको माग सहित मेडिकल कलेजका विद्यार्थी आन्दोलनरत छन् ।
विद्यार्थीको अधिकार र सहज वातावरणको लागि अनेरास्ववियू सधैं लडिरहने अनेरास्ववियू नेतृ आरती लामाले बताएकी छिन् । यस सम्बन्धमा अनेरासववियू प्रदेश नम्बर २ ले वीरगञ्ज प्रशासन कार्यालयमा ध्यानाकर्षण पत्रसमेत बुझाएको छ ।
कलेज प्रशासनले शान्तिपूर्ण आन्दोलनमा उत्रिएका विद्यार्थीलाई आन्दोलन फिर्ता गर्न दबाब दिएको, आन्दोलन फिर्ता नलिए ज्यान मार्नेसम्मको धम्की दिने गरेको नेतृ लामाले नागरिकखबरलाई जानकारी दिइन् ।
