बुटवल : बिगत लामो समयदेखि शिक्षा तथा स्वास्थ्य सेवा दिदै आएको देवदह नगरपालिका वार्ड नं. ९, भलुहि रुपन्देहीमा अवस्थित देवदह मेडिकल कलेजमा पुस १२ गते देखि शनिवार पनि १० बजे देखि १ बजेसम्म ओ.पि.डि. सेवा दिइने भएको छ । बिरामीको मागलाई मध्यनजर गर्दै यो सेवा सुरुगरिएको अस्पताल प्रशासनले जनाएको छ । सर्जरी, स्त्री तथा प्रसुती, बाल रोग, मेडिसिन, रेडियोलोजी लगायतका बिभागमा विशेषज्ञ डाक्टरहरुले शनिवार पनि सेवा दिने कलेज सञ्चालक डाक्टर रज्निस जिन्दलले बताए । सामान्यतया प्रायःजसो स्वास्थ्य सस्थामा शनिवार ओ.पि.डी. सेवा बन्द हुनेगर्छ तर अब देवदह मेडिकल कलेजले दिने यो सेवाबाट सेवाग्राही लाभान्वित हुने कुरा डाक्टर जिन्दलले बताए । सो कलेजमा रू ५० को ओ.पि.डि . टिकटमा एकैपटकमा १ वा भन्दा बढी विशेषज्ञ चिकित्सक सेवा लिन सकिन्छ ।
