बुटवल : लुम्बिनी प्रादेशिक अस्पताल बुटवलका सटरहरु भत्काउन सुरु गरिएको छ । प्रदेश सरकारको निर्देशनमा बिहीबार बिहानै अस्पतालका सटरहरु भत्काउन डोजर परिचालन गरेको हो ।
एकाबिहानै डोजर सटर भत्काउन पुगेपछि व्यवसायीहरु तितरबितर भएका छन । व्यवसायीहरुले सामानहरु सुरक्षित गर्न नपाएको गुनासो गरेका छन्।
सरकारले सयौंको संख्यामा प्रहरी परिचालन गरेर सटरहरू भत्काइरहेको छ । सटर खाली गर्न व्यवसायीलाई सरकारले पटकपटक ताकेता गरेको थियो तर व्यवसायी अदालत पुगेका थिए । लुम्बिनी प्रादेशिक अस्पताल सटर संघर्ष समितिका उपाध्यक्ष तथा व्यवसायी तुल्सीराम शर्माले अदालतले गरेको आदेशबारे प्रशासनलाई जानकारी गराउँदा पनि सरकारले जबर्जस्ती गरेको बताए ।
