प्रायः हामी सबैको बानि बिहान उठेपछी सबै भन्दा पहिला मुख धुँने रहेको छ । स्वास्थ्य तथा सरसफाइका लागि पनि हामीले दैनिक रुपमा मुख धुने गर्नु पर्छ । यसरी दैनिक रुपमा पटक पटक गरिने यो काममा पनि हामीले धेरै गल्ती गरिरहेका हुन्छौ । यसरी मुख धुँदा हामी कसैले पनि धेरै कुराहरु याद नै गरिरहेका हुँदैनौ । जसको परिणाम स्वरुप विभिन्न स्वास्थ्य सम्बन्धी असर गरिरहेको हुन्छ ।
यो कुराहरुलाई तपाई अाफूमा लागू गर्दै अरुलाई पनि सिकाउन सक्नुहुन्छ । अब हामी मुख धुँदा के के नगर्ने भन्ने कुरा तल दिइएको छ ।
१. अनुहार धुदन हल्का मनतातो पानी प्रयोग गर्नु सबैभन्दा उत्तम मानिन्छ ।
२. अनुहार चाहिने भन्दा बढी धुनु हुँदैन । यसो गर्दा अनुहारको छालामा असर गर्छ ।
३. अनुहार सफा गरेपछि मुलायम रुमालले पुछ्नु पर्छ । अनुहारमा धेरै रगड्नु घातक हुन हुन्छ ।
४. अनुहारमा असर गर्ने सामाग्री जतिसुकै आकर्षक भएपनि प्रयोग गर्नुहुँदैन ।
५. फेस वाश वा सावुन अनुहारमा धेरै बेर सम्म रगड्नु हुदैन ।
६. अनुहारमा मसाज गर्नु राम्रो मानिन्छ । तर यसका लागि आफूलाई मिल्दो तेल मात्र प्रयोग गर्नुपर्छ ।
७. अनुहार सफा गर्दा हतार गर्नुहुँदैन । सँधै राम्रोसँग अनुहार सफा गर्नुपर्छ ।
८. अनुहार सफा गरेपछि छाला सुख्खा नहोस् भन्नका लागि मोइस्चराइजिङ क्रिम लगाउनुपर्छ ।
९. अनुहारमा लगाउने कुनै पनि सामाग्री किन्दा आफ्नो छालाको प्रकृति अनुसार विचार गरेर मात्र किन्नु पर्छ ।
१०. अनुहारलाई हानी गर्ने क्लिनरको प्रयोग कहिल्यै पनि गर्नुहुदैन ।
(लेखक सामान्य चिकित्सक हुन, हाल देवदह मेडिकल कलेजमा कार्यरत छन)
