डाक्टरहरुले औषधि लेखेको हामीले बजारमा त्यही मात्राको चक्की नपाएपछि सामान्यतः टुक्रा पारेर खाने गरेका छौं । जान्नेहरुले नै सोही किसिमको सल्लाह दिन्छन् यतिमात्र होइन यदाकदा डाक्टरहरुले नै यस्तो सल्लाह दिने गरेको देखिन्छ । जस्तै सिटामोल पाँच सय मिलिग्रामको पाइन्छ भने बच्चालाई दिँदा टुक्रा पारेर खुवाउने चलन प्रायः सबैको देख्ने गरिन्छ । तर यसरी औषधिलाई टुक्राएर खानु गलत हो । टुक्राएर खानुको सट्टा त्यही मात्राको औषधि सेवन गर्नु नै उपयुक्त हुन्छ ।
विज्ञहरूले औषधिलाई दुई वा दुईभन्दा बढी भागमा टुक्राएर खानु धेरै घातक हुने बताएका छन् । यसरी औषधिको गलत मात्रा शरीरमा पुग्ने गर्दछ ।
‘जर्नल अफ एडभान्स नर्सिङ’ मा प्रकाशित समाचार अनुसार एउटा अनुसन्धानले औषधिलाई टुक्राएर खाँदा गम्भीर प्रभाव हुने बताएको छ । अनुसन्धान कर्ता भन्छन कि औषधिको गलत मात्रा लिनाले औषधि र विषबीच सूक्ष्म अन्तर रहन्छ ।
अनुसन्धानकर्ताहरूले चक्कीलाई बराबर भागमा तोडन विशेष प्रकारको चक्कु, औजार र कैंचीको समेत उपयोग गरे पनि बराबर मात्रा पाउन सकेनन् । अनुसन्धानअन्तर्गत जतिसुकै प्रयास गरिए पनि चक्कीलाई बराबर दुई भागमा तोडन धेरै जटिल देखियो । हामी जतिसुकै पनि औषधिलाई बराबर गरी तोडने प्रयास गरेपनि दुई समान मात्राको बराबर भागमा तोड्न सकिदो रहेनछ अनुसन्धान कर्ताले बताए ।
अनुसन्धानको निष्कर्ष के निस्कियो भने, औषधिको चक्कीलाई तोड्दा सामान्यतः यो गैर बराबर भागमा टुक्रिन्छ । अनुसन्धानकर्ताहरूले पत्ता लगाए की तोडेर लिइने ३१ प्रतिशत चक्कीमा औषधिको मात्रा गलत हुन्छ । यति मात्र नभई यसले औषधिको १५ देखि २५ प्रतिशत बढी मात्रा शरीरमा पुग्ने संभावना रहन्छ । तसर्थ अनुसन्धान कर्ताले औषधि कम्पनीलाई विभिन्न मात्राको चक्की उत्पादन गर्न आग्रहसमेत गरेका छन ।
